Awéé’ Be’abe’ Ádaasdįįd góne’ Ałk’ééh Dajílíníí Báhane’

Díí Naaltsoos elt’ahígíí yíídííłtah

T’áá doo binááłt’éhégo hooghan haz’ą́ą́dóó awéé’ bits’íís baa’áháyą́ągi at’isgo yaanitsákees, dóó awéé be’abe’ ádaasdįįdíí lą’í dine t’ááyó bi’diił’á haałá yit’éego awéé ba’iiltso’doo lá nízin. Ła’ áłchíní, nooselí, dóó t’áá hóyáanii t’áá ts’íísii bich’į anídahazt’i’ígíí díí awéé’ be’abe’ bits’íís báyá’átééhgo chooyoł’į́. Éí díí awéé’ be’abe’ bídiin hazlį́į́gi łahdóó binit’i’ silį́į́’

Awéé’ ch’iiyáán bich’į kól’íníí laho át́éego adoolnííłgi t’áá nanitł’ah Ákondi, t’áá ch’ééh awéé’ be’abe’ hanít’áo, díí łá doo at’é’áł’íníí bitsésk’eh góne’ bídínít’a’.

Bitsésk’eh Gone’ Dooleełígíí Hanitá

Hane’ ályaaígíí éí azee’íł’íníí dóó áájí yeda’aniihígíí Ats’íís Baa’áháyą́ dóó Ałchíní Azee’ Bee Bik’i’adéest’į́į́’jí, dóí Náhookosjí Ałchíní Be’azee’ Bik’i’adéest’į́į́’ Atsą́ Siláii, Azid Yeenít’ínii, & Ch’iyáán Bee At’a’ azilii bits’ą́ą́dóó hane’ ályaah.

Aniidígíí Awee’ Be’abe’ ła’ Bídíníítah

Łą’í awee’ díí ał’ąąh ádaat’éhígíí abe’ báhólónígíi yá’át’éehgo chooyoł’į́, t’áá naalyáhé bízhi’ bee daojíhígíí ndi, t’áá hazhó’ogo bił ádaalyaaígíí t’áá ahidaałt’eego, díí béeghashii bibe’ bitł’ah ályaaígíí, naa’ołí łigai bik’ah, doo bits’ą́ą́dóó ihodidoołt’ihii, doodaii t’áá bini’di bee’aziił daholónígíí (bee dikǫǫzhígíí áyósinígíí). Baa’ákonínízin doo t’áá ałtsoh awee’ áhálniihígíí bił likaan da, doodaii doo t’áá ał’ąąh ádaat’éhígíí abe’ yínídin da. Kózaago éí:

Abe’ ániidígíí áníléigo t’áá ałch’ídígo k’ad abe’ chooyoł’ínígíí bił ałtahgo adíílííł. T’áá hazhó’ógo abe’ ániidígíí t’áá lą’ígo bii’jį kónéeł’įįgo hoolzhish dooleeł.
Ha’íínílní, t’áá shį́į́ hodidoonaał ne’awéé’ yídínóoldį́į́łjį.
Ne’awéé’ yénálkwigo, bitł’id bił neezgago, doodaii ayáago doo áhodéesyéé’góó, ániłdáásíí’ yaa’adeeskidgo, bitsą́hodiiniigo, bichą̨ą’ dił doodaii ne’esht’ił nahalingo bit’a, doodaii bichąą’ yik’eeh di’níigo, abe’ ániidígíí doo yíníldin dahgo át’é. Ne’áłchíní be’azee’íł’íní doodaii t’áá nááná héida azee’íł’ini nilínígíí bich’į hodíilnego nabídídííłkił

Héidííla awéé’ be’abe’ náádahólónígíí t’áá báyá’át’ééh dooleeł nínizǫǫ̨h:

Ats’iisgo ne’áłchíní be’azee’íł’íní doodaii t’áá nááná héida azee’íł’ini nilínígíí háálá éí ne’awéé’ bits’íístah áhootéi bił bééhózin.
Náá’ałdo’ díí kwe’é ałkéé’ daaszohígíí dínííł’įįł éí ałchíníjí atsą́silái be’azee’íł’íní daanilíníí ahiideesnil. Baa’ákonínízin díí awéé’ be’abé daaszohígíí éí Atsą́ Biyáázh 2022 yę́ędą́ą́’ nát’ą́ą́’ kóndaalyaah yę́ę át’é éí ne’awéé’ chǫǫyooł’į́nę́ę doo at’ah yiidííłtsééł da. Awéé’ be’abe’ bitsésk’eh choodoo’įįłgo ne’ałchíní be’azee’íł’íní doodaii t’áá nááná héida azee’íł’ini nilínígíí áníigo dóó yik’idées’į́į́’go t’éiyá choodoo’įįł.

Nááná łahdę́ę́’ awee’ be’abe’ ádaalyaaígíí bídíníít’ah

Nááná łahdę́ę́’ kéyah awee’ be’abe’ adaalyaaígíí nahadashni nínízingo éí t’áá bee áhót’i’. Naalyéhé bádahooghangóó éí dahólǫ́ǫ doo. Ch’iyáán dóó Azee’ Bik’i’ Adéest’į́į́’ dę́ę́’ éí yeelą́’aslį́į́’go díí awee’ be’abe’ adaal’į́įgo Ashdla’diin Hahozojį’ bich’į nahanii’, dóó t’áá bíghago adanéelt’é t’áá lą’ígo kojį’ ádaalne dooleeł Náálahdę́ę́’ awee’ be’abe’ ályaaígíí ajíléigo:

Áłtsé naaltsoos yíídííłtah t’adoo awéé’ be’abe’ dibahigíí á́níléégóó. Ashdla’diin Hahozojį awéé’ be’abe’ ał’ąąh át’éego daatsí hast’edaal’į́įgo bee haz’ą́.
FDA dę́ę’go ádanéet’ego ahid dahajááh do ahiida adzííd bee hólǫ́ áádóó sik’az dóó sidoh bee ída’neel’ąąh ałdó’ Celsius (°C) to Fahrenheit (°F).

Awéé’ be’abe’ nahaniigi t’áá haashį́į́ yit’áo náálahdę́ę́’ kééyah, béésh nitsákees biyi’jį’, nida’iinii bił nahaz’ą́ą́dę́ę́’ t’áá ha’iilzííd dooleeł háálá ła’ doo ’éégóó baanida’hanii. T’áá shił béénáhozin díí haiyit’áo t’óó bé’elyaaígíí béhoodzoosįįh: Héigíí shą’ awéé’ be’abe’ t’óó bé’élyaaígíí ádaat’é? Haashyit’áo nahidooniji’ bek’ee’ąąh sháhahast’i doo?

Ne’áłchíní be’azee’íł’íní doodaii t’áá nááná héida azee’íł’ini nilínígíí bił ahił dahodíine díí awee’ be’abe’ bitsésk’e góne’ dooleełígíí haiyit’áo awee’ doo biį’ bijoołáadaaígíí bii’hólǫ́.

Díí bii’ doo bijoołáadaaígíí hólónígíí nínízingo, t’áá daatsí bídin hóyéé’ doo. Ne’áłchíní be’azee’íł’íní doodaii t’áá nááná héida azee’íł’ini nilínígíí bich’į hadíídzi héidíla’ t’áá yá’a’t’ééh dooleeł lá. Héidishį́į́ awéé’ be’abe’ dooleeł, díí nááskódoolnííłgo, tsxį́į́łgo sadiát’ao wokeego biká’at’oolnííł Aboot Nutrition bich’į’, díí éí sadiát’áo awee’ be’abe’ béesh bee at’ah adziił bii’ hólónígíí adeeł’į́.

Ne’awéé’ ba’iłtso’gi baa’áhóyą́

Awee’ be’abe’ ch’éé hanít’áogo, t’aa tsxį́į́łgo t’óó konízaji’ áká’ at’oolwołígíí t’áá bee adahazt’igo át’é. Ni éí ne’awéé báyá’át’ééh dooleełígíí bantsankeesgo háágóó shį́į́ bá’adahazht’ígíí baa’ákonínízingo ne’awéé’ ba’íłtso’ doo. T’áá áłahjį’ ne’awéé ałtsé bich’į’ hadídzi awéé’ be’abe’ ábi’niidįįgo.

Ne’áłchíní be’azee’íł’íní doodaii t’áá nááná héida azee’íł’ini nilínígíí bił ahiłdahólne’go t’óó kónizahji’ choo’į́įdooígíí haayit’é dooleeł.

Ne’awéé’ hastą́ą́ dóó níwo’jį’ bee nideezidgo ne’áłchíní be’azee’íł’íní doodaii t’áá nááná héida azee’íł’ini nilínígíí bił ahiłhodíilnego béeghashii bibe’ t’áá kónizajį’ choodoo’į́į́łgo át’é.

Awéé’ t’áálá’í t’ahdoo bináháígóó béeghashii bibe’ téiya bich’į kól’į́įgo doo báyá’át’éeda háálá ch’iyáán bee’ata’adziłígíí t’áá a’ogo bii’ hólǫ́ dóó ats’íís bee hadaniłtéé dóó béésh bee daójíi t’óó ahayói bii’ hólónígíí bininaa awééł bitsą́’ashk’azhí doo hazhó’ó hadinéeda.
Ákondi, béeghashii bibe’ at’i’doolíiłgo bii’hólóni’gíí bąąh názhbéézhgo awéé’ yidlą́ dóó yił ayą́ągo, doo łahó’áhálniigo t’áá choozhdooł’į́į́ł:
- Ne’awéé’ hastą́ą́ do níwojį̨’ bee nídeeszidgo:
- Ne’awéé t’áá abe’ choo’ínígíí yidłą́ǫ, doo éí sadi át’áo ba’al’ínígo doodaii sadi át’áo bits’íís bich’į̨’ anáhóót’i’góó
- Ch’éí awéé’ be’abe’ hanít’áo
- Ne’awéé’ t’áá ch’íyáán t’áá néédį́įgo t’áá bee at’ah aziił hólónígíí ch’iyáán awéé’ bá’adaalyaaígíí
Béeghashii bibe’ damóo dóó níwohjį’ t’áadoo ne’awéé bich’į’ koníł’íní, doodaii ne’áłchíní be’azee’íł’íní doodaii t’áá nááná héida azee’íł’ini nilínígíí ádaniłníigoda. Béeghashii bibe’ doo béésh bee at’ah aziił doo t’áá’áyisí bii’ hólǫ́ǫ da díí awéé’ be’abe’ ádaal’ínígíí éí t’áá lą’í bii’, t’óó atsé hast’ą́ą́h bee nídízííd yę́ęgi lą’ígo béésh bee at’ah aziił bii’ dahólónígíí bich’i’ kónił’į̨́, ch’iyáán abe’ biih nídaazi’ígíí.
Ne’áłchíní be’azee’íł’íní doodaii t’áá nááná héida azee’íł’ini bił ahił dahodíiłne ne’awéé’ béeghashii bibe’ bich’į kósh’į́įdoo nínizingo.

Ne’awéé’ k’edę́ę t’ááła’í bináháogo ch’ééh abe’ bá hanít’áo, ne’áłchíní be’azee’íł’íní doodaii t’áá nááná héida azee’íł’ini bił ahiłdahódíilne díí naa’ołi ligaígíí bit’oo’ abe’ nahalinígíí t’áá kónízáhájį’ awéé́’ choodooł’įįł. Nanise’ bits’ą́ą́dóó abe’, taoskaal doodaii neshch’íí da éí t’áá bíkásínt’i’

Nanise’ bits’ą́ą́dóó abe’ígíí éí doo awéé’ tahdoo t’áálá’í bináhágóó dóó bich’į́’ kóól’į́į̨ da. Ákondi, ne’awéé’ k’edę́ę t’ááłá’í bináhaigóó t’áá ch’ééh abe’ báshóołt’eego t’óókónízáhíjį naa’ołí ligaaígíí bit’oo’ t’óó kónizáhajį choodooł’įįł. Ne’áłchíní be’azee’íł’íní doodaii t’áá nááná héida azee’íł’ini bił ahił dahodíiłne ne’awéé’ naa’ołí łigaígíí bits’ą́ą́dóó abe’ bich’į kósh’į́įdoo nínizingo.
T’áálá’í dóó biláágóó ne’awéé’ naa’ołí ligaígíí bits’ą́ą́dóó abe’ yidłą́ądoo éí doodah, ne’áłchíní be’azee’íł’íní doodaii t’áá nááná héida azee’íł’ini áníigo téiyá. T’áá’áyisí naa’ołí ligaígíí bits’ą́ą́dóó abe’ téiyá hólǫ̨́ǫgo, ch’iyáán be’aził calcium dóó vitamin D bii’ hólónígíí nahidíłni. Awéé’ be’abe’ bá’ádaalyaaígíí t’áá tsxį́į́lį́go bich’į’ ádíílį́į́ł.
Neeshch’íí dóó nanise’ bits’ą́ą́dóó abe’ áł’íní éí t’áádoo chooníł’íní Díí éí t’óó ahayóí doo ats’íí bee hadaniłt’e’ dóó béésh bee’aził bii’ hólǫ́ǫ da.

Ne’awéé’ k’edę́ę t’ááła’í bináháogo ch’ééh abe’ bá hanít’áo, ne’áłchíní be’azee’íł’íní doodaii t’áá nááná héida azee’íł’ini bił ahiłdahódíilne díí áłchíní yazhí bá́ tó likaan ádaalyaaígíí t’áá dííkwíí yiskájį’ choodooł’įįł.

Áłchíní yazhí bá́ tó likaan ádaalyaaígíí, éí t’áá awéé’ be’abe’ daostł’inígi hólǫ́, díí éí awéé’ tahdoo t’ááłá’í bináháígóó éí doo choodooł’įįł da.
Ákondi, t’áá áyisí ádingo, díí ałchíní yazhí bá́ tó likaan ádaalyaaígíí k’edę́ę́h t’ááłá’í bináháíhígíí t’óó kónízáhíjį’ choodooł’įįł.
Ne’áłchíní be’azee’íł’íní doodaii t’áá nááná héida azee’íł’ini bił ahił dahodíiłne ne’awéé’ ałchíní yazhí bá́ tó likaan ádaalyaaígíí bich’į kósh’į́įdoo nínizingo.

T’ááhó habe’ doodaii awéé’ hałt’o’go baadahane’í hanít’á

Ne’áłchíní be’azee’íł’íní doodaii t’áá nááná héida azee’íł’ini bił ahił dahodíiłne amá bi’abe’ noo’ádaayaai choo’íigi

Bíighadą́ą́’, amá bi’abe’ noo’ádaayaai Human Milk Banking Association of North America (HMBANA) éí t’áá ákodaat’éi yálą́ nida’iislį́į́’ígíí Baa’ákonízin díí amá bits’ą́ą́dóó abe’ ályaaígíí éí awéé azee’íl’į́įdi nidahást’áníí éí atsé bá dooleeł, dóó t’áá tł’óójí awéé doo at’íisii’ doo bich’į’ anáhóót’i’góó éí daats’í doo bíneel’ą́ąda ałdó’.
Nááná ła’ amá bi’abe’ doodaii béésh nitsékees bii’jį’ awéé’ be’abe’ nijidiyoołnehígíí t’áá baahast’i’. Éí ákót’éhígíí doo naaskáá’ da, áko doo beehozin da naałniih doodaii t’áá baadahast’i’ii daats’í bidiich’ááligi. Haashį́į́ yit’ao hasht’e daalyaahgo, doo naaskáá’ da, haa’ígi noo’ ádaalyaah.

Awéé’ bima’ yiłt’o’ dóó t’áá bíghají awéé’ be’abe’ adaalyaaígíí chooyooł’į́įgo, amá bi’abe’ ígíí alááhgo yiłt’o’go yá’át’ééh dooleeł.

Díí kót’áo éí amá lą’ígo hólǫ́ǫ ídoolííł Awee’ t’áá’ ahą́ą́h hałt’o’go doodaii bee hahalt’oodígíí bee t’áá bit’a’gi náhoot’aago ánijiil’įįgo Abe’ hahest’óódígíí bee’aneesk’azi biyi’ góne sinilgo áádóó naasgi choozhdooł’įįł.
CDC éí awéé’ bimá yiłt’o’go bee áhoodoonííł ádaat’éhígíí yikéé’ siizį́.

Awéé be’abe’ doo báhózingo ádaalyaai dóó t’áá biláágóó na’iinii t’áá biká sínt’i’

T’ááni t’áá hooghandi awéé’ be’abe’ áníléégo éí doodah. T’áá’áyisí at’íís bábaahast’i’ dóó t’áá atíh doolííłgo át’é t’áá hooghandi awee be’abe’ ájíléégo. Ne’awéé’ bich’iiyą’ t’áá’áyisí t’áá baahast’i’, t’ááłá’í bináháíji’ T’áá hooghandi awéé’ be’abe’ ájíléego ats’íístah bee’ adziłígíí t’áá bi’o’ dooleeł, béésh bee adzilii ádaat’éhígíí. T’áá hooghandi awéé be’abe’ ájiilaago bídiich’aalgo ne’awéé’ bit’ah hwodínóołgai doodaii ats’íís yaadahwiidooł’aał.

Doo tó bide’ájílée da. Tó bide’ájiilaago ats’íís bee at’ah adził yę́ę bąąh naha’eeł dóó yéego ąądahwiidooł’aał, bíni’ánádįįh da dooleeł.

Awéé be’abe’ bee ada’iis’ánígíí t’áadoo chooníł’íní. Díí awéé’ be’abe’ t’áá at’í’ doolííł dóó bee at’a’adził yę́ę bąąh ádįįh.

T’áadoo awéé’ be’abe’ biláágóó nahíłniihí. T’áá bi’oh silį́į́’ígíí biniinaa lahóó hooghan nahaz’ánígóó ch’éi ádaat’į́ díí dikos nitsaa níłnii’ hoolzhishgi. T’áá shį́į́ anííh lą’ígo nijiyóółniihígi át’éenidi, AAP éí t’áá 10 -14 yiską́ąji’ t’éiya nidahoołniih daaní ákó bídinhóyéé’ígíí t’áá yaakolzin doo.

Amá, Awéé’ dóó Áłchíní ch’iyáán biká’ ana’áwo’ dę́ę́’ áká’e’elyeed biká ánít’í

Awéé’ be’abe’ nahidoonijį’ t’áá bi’oh nidi’, doo t’ááni t’éíyá ákót’éé da Ałníí’ t’áá bich’į’go (43%) Amá, Awéé’ dóó Áłchíní ch’iyáán biká’ ana’áwo’ dę́ę́’ (WIC) awéé’ biká’anída’alwo’ díí Ashdła’diingo Hadahwiiszojí Amá, Awéé’ dóó Áłchíní ch’iyáán biká’ ana’áwo’ dę́ę́’ awéé’ be’abe’ dóó ch’iyáán báhólǫ́ǫgo áyósin, dóó áájí nidaalnishíí binaanish yéédahósingo ats’íís yá’át’éégi yína’ídiłkid, awéé’ bimá yiłt’o’gi yikéé’naazį́, dóó ch’iyáán yidą́ągi yína’niłtin. Awéé bííniltáo Amá, Awéé’ dóó Áłchíní ch’iyáán biká’ ana’áwo’ (WIC) dę́ę́’ aka’aná’áwo’ bee at’ah díínááł T’áá akwii nił has’ánígi Awéé bííniltáo Amá, Awéé’ dóó Áłchíní ch’iyáán biká’ ana’áwo’ (WIC) bich’į’ díínáałgo t’áá daats’í bee ná’ahót’i’

Bee há’ahót’i’ dooleełí́gíí dínił’įįł

Instagram promo graphic to find resources for the infant formula shortage at hhs.gov/formula in English.

Díí díníł’įįł Awéé’ Chí’í Be’abe’ Bahane’ saad díkwíígóó shį́į́ be baadahane’

Awéé’ be’abe’ hanít’áago bee níká́’at’oolwoł

T’áá kééhonít’į́įgi da’íníísh bił nahaz’ą́ą́góó dóó t’áá awéé’ be’abe’ ádeeł’indóó t’áá níká’adoojahgo awéé’be’abe’ shóodííłt’eeł doodaii doo at’í’áł’íníí.

Kééhojit’íigi Aká’anida’alwo’ Binahas’áníí

Kééhonít’íigi t’áá bich’į’ áháníí Community Action Agency (CAA) hadíníít’aał: Díí CAA ałdó’ daats’í awéé’be’abe’ ła’ nich’į’ kodeedoolííl doodaii niká’adoojahgo t’áá’ akǫ́ǫ́h dahólǫ́ǫ́góó bich’į’ nida’doołnih
211 jį’ hodíílne: United Way bich’į 2-1-1 hwííłne’go kééhojit’íigi ch’iyáán dóó awéé’be’abe’ bee aká’anída’alwo’ bił nahas’áníí bich’į’ nida’doołnih
Amá be’abe’ noo’ ádaalyaahgóó hadíníít’aał: T’áá amá bibe’ bii’ dóó ádaalyaai bił haz’áádóó Human Milk Banking Association of North America (HMBANA éí awéé hólǫ́ǫ́góó yich’į kódeele’. Ne’áłchíní be’azee’íł’íní doodaii t’áá nááná héida azee’íł’ini náyíká’í’iilaago HMBANA ła’ nich’į’ kódeedoolííł.

Awéé be’abe’ biniyé bik’ehgo hodoone binumbo

Áwéé’ be’abe’ ádeeł’indóó t’áá níká’adoojahgo awéé’be’abe’ shóodííłt’eeł doodaii doo at’í’áł’íníí. T’óó’ ahayóí diné awéé’be’abe’ hadeedées’į́į́’, bininaa t’áá nizaagóó hodiiłzhííshgo índa naahodoolzhish. Haashį́į́ yit’éhígíí awéé’be’abe’ t’áá ádin dooleeł.

MyGerber Baby Expert yeda’aniihígíí: Béésh bee hane’é, saad naat’agi, tsxį́įłgo saad bee ál’íní bii’jį’, nijilkidgo ahiłhane’go awéé’ be’abe’ bik’i’dínóot’aał.
Similac (Abbott bíhí) Tsxį́įłgo yíídóokił: Asdzání be’azee’íł’íní doodaii ne’áłchíní be’azee’íł’íní doodaii t’áá nááná héida azee’íł’ini náyíídóokił ch’iyáán bee ’at’ah adził t’áádoo hodina’í ats’íís bit’ahgóó neheleeh bii’hólónígíí biniyé naaltsoos heedidoolííł
Enfamil (Reckitt’s) na’iiłniihii bich’į’ bee hane: 1-800-222-9123 (BABY-123) hodíílnego awéé be’abe’ ła’ náyik’i dadínóot’ááł

Haiyit’áo éí díí Ádaasdįįd Silį́į́’ Niłbééhodoozįįł

Díí dikos nitsaaígíí níłnii’ góne’ hidigeeh dę́ę́’ binít’i’ T’áá nówehgo Abbott Nutrition, t’áá áyisí awéé’ be’abe’ ádeeł’íníí, nát’ą́ą́’ nídayíkeed dóó ádaal’ínę́ęgi dádee’deeskaal Sturgis, Michigan holyéegi. Kináhalgai Ats’isgo Naatáanii, Washindoonjí da’íníísh, banida’iiniihii, dóó awéé’ be’abe’ ádeeł’ínii ahiłnidajilnishgo ahéé’iiłkeedgo díí bidinhóóyéé’gi dóó nida’iinii biniye’ naalyéhé bádahooghangóó nídastł’in. Dííshjį́įdi, 30-50% bíghahgo nahaslį́į́’.

Ashdla’diingo Hadaheeszojí At’oolnííłgi Binahat’ah Niłbééhodoozį́į́ł.

Kináhalgai Ats’isgo Naatáanii éi Defense Production Act nááskóyiilaah. Díí beehaz’áanii Ashdla’diingo Hadaheeszojí awéé’ be’abe’ adaal’iį́įgi ałtsé bee ádahodoonííłii báhólǫ́ǫgo ayiilaah. Kináhalgai Ats’isgo Naatáanii ałdó’ łahjigo kéhyah naasnilígíí áádę́ę́’go béésh naat’a’ii bee nehegheego áyiilaah.
FDA dóó U.S. Department of Justice dę́ęgo banyá’át’i’go naaltsoos bikáaji’ yízhí ádaalyaah Abbott Nutrition bił, Abbott Nutrition biyaadóó éí bił łą́h díí hasht’éédadoolnííłgóó binda’doonishgo índa awéé be’abe’ ánáádaal’į́įgo náhwiidoot’aał Michiganjí bił haz’ánígi. Abbott Nutrition yee haazíígo díí sadi át’éego awéé’ be’abe’ chi’yáán bee adził t’áádoo hwidina’í at’íís bii’ nahidi’eeł ałtsé adeele’ dooleeł. FDA éí t’áá’ahą́ą́h awéé’ be’abe’ ádeeł’ínígíí yił áłah nídaadleehgo t’áá lą’ígo á́l’į́įgo háála t’óó’ahayóí bidinzin. FDA haayit’áo binaanish ádeeleeh yíídiłt’ah.
Kéyah, Ch’iyáán Nanilt’ąjí, dóó Naaldlooshii Bik’i’adéest’į́į́’ dée’go nitsahadahwiiszo, Bikági Yishtł’izh Bił Nahaz’ą́ą́góó, dóó nahaz’ą́ą́góó diné kéédahat’į́į́góó Adzáání Amá, Awéé’ dóó Áłchíní (WIC) Ch’iyáán bee Biká’aná’awo’ k’ad awéé’ be’abe’ at’ah bee na’iiniih yeehooł’a’

Kináhálgaidi Atsijį’ Naatáanii Biden éí díí Awéé Be’abeł Adaasdįįdígíí yaayáłt’i’ yíídiłt’ah